Fuqarolarning murojaat etish tartibi

O’zbekiston Respublikasi fuqarolari davlat organlariga arizalar, takliflar va shikoyatlar bilan murojaat etish huquqiga ega.

Fuqarolarning murojaatlari og’zaki yoki yozma shaklda kiritiladi. Fuqarolarning og’zaki va yozma murojaatlari bir xil ahamiyatga ega.

Fuqarolarning murojaatlari yakka tartibda yoki jamoa tomonidan berilishi mumkin.

Fuqarolarning murojaatlari ariza, taklif yoki shikoyat ko’rinishida bo’lishi mumkin.

Ariza fuqarolarning o’z huquqlari, erkinliklari va qonuniy manfaatlarini ro’yobga chiqarishda yordam ko’rsatish to’g’risidagi iltimosi bayon etilgan murojaatidir.

Taklif fuqarolarning davlat va jamiyat faoliyatini takomillashtirishga doir tavsiyalarini o’z ichiga olgan murojaatidir.

Shikoyat fuqarolarning buzilgan huquqlari, erkinliklari va qonuniy manfaatlarini tiklash to’g’risidagi talabi bayon etilgan murojaatidir.

Murojaatlarda fuqaroning familiyasi (ismi, otasining ismi), yashash joyi to’g’risidagi ma’lumotlar ko’rsatilgan, ariza, taklif yoki shikoyatning mohiyati bayon etilgan bo’lishi kerak.

Yоzma murojaatlarda murojaat etuvchining imzosi bo’lishi lozim. Murojaatga shaxsiy imzo qo’yish imkoni bo’lmagan taqdirda, bu murojaatlar uni yozib bergan shaxsning imzosi bilan tasdiqlanib, uning familiyasi, ismi, otasining ismi ham yozib qo’yiladi.

Fuqaroning familiyasi (ismi, otasining ismi), yashash joyi to’g’risidagi ma’lumotlar ko’rsatilmagan yoki u haqda soxta ma’lumotlar ko’rsatilgan, shuningdek imzo qo’yilmagan yozma murojaatlar anonim deb hisoblanadi va ko’rib chiqilmaydi.

Fuqarolarni qabul qilish, fuiarolarni qabul qilish uchun mas’ul mansabdor shaxslar tomonilan amalga oshiriladi.

Fuqarolar qabuli dushanba-juma kunlari 10-00dan 16-00 ga qadar amalga oshiriladi.

Fuqaro og’zaki murojaat etayotganda o’z shaxsini tasdiqlovchi hujjat ko’rsatishi kerak.

Fuqaroni qabul qilish, agar uning bir necha bor qilgan murojaati asossiz, qonunga xilof xususiyatda bo’lsa yoki uning murojaati bo’yicha qaror qabul qilib bo’lingan bo’lsa, rad etilishi mumkin.

Fuqarolarning murojaat etish huquqi ixtiyoriylik asosida amalga oshiriladi. Hech kim biron bir murojaatni himoya etishga yoki unga qarshi qaratilgan harakatlarda ishtirok etishga majbur qilinishi mumkin emas.

Fuqarolar murojaat etish huquqidan foydalanayotganda ularni jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeiga qarab kamsitish taqiqlanadi.

Fuqaro uning murojaatini qabul qilish va ko’rib chiqish asossiz ravishda rad etilganligi ustidan bo’ysunuv tartibida yuqori turuvchi organga yoki bevosita sudga shikoyat berishga haqli.

Fuqarolarning murojaatlarini ko’rib chiqishda fuqarolarning shaxsiy hayotiga doir ma’lumotlar ularning roziligisiz, shuningdek davlat siri yoxud qonun bilan qo’riqlanadigan boshqa sir hisoblangan ma’lumotlar va, agar fuqarolarning huquqlari, erkinliklari va qonuniy manfaatlarini kamsitadigan bo’lsa, boshqa axborotlar davlat organlari xodimlari tomonidan oshkor etilishiga yo’l qo’yilmaydi.

Murojaatga taalluqli bo’lmagan, fuqaroning shaxsiga doir ma’lumotlarni surishtirib bilishga yo’l qo’yilmaydi.

Fuqaroning iltimosiga binoan uning shaxsiga doir biron bir ma’lumot oshkor etilmasligi kerak.

Fuqarolarni hamda ularning oila a’zolarini o’z huquqlari, erkinliklari va qonuniy manfaatlarini ro’yobga chiqarish yoki himoya qilish maqsadida davlat organlariga murojaat etganliklari uchun ta’qib qilish man etiladi.

Fuqarolarning ariza, taklif va shikoyatlari ularda qo’yilgan masalalarni hal etish vakolat doirasiga kiradigan davlat organiga bevosita yoki bo’ysunuv tartibida yuqori turuvchi organga beriladi.

Fuqaro ariza, taklif va shikoyatni shaxsan berishga, shuningdek bu boradagi vakolatni o’z vakiliga berishga yoki murojaatini aloqa vositalari orqali yuborishga haqli. Voyaga etmaganlar hamda muomalaga layoqatsiz shaxslar manfaatlarini ko’zlab ariza, taklif va shikoyat ularning vakillari tomonidan qonun hujjatlarida nazarda tutilgan tartibda berilishi mumkin.

Ariza, taklif va shikoyatga ular yuzasidan ilgari qabul qilingan, fuqarodagi mavjud qarorlar (yoki ularning nusxalari), shuningdek ariza, taklif va shikoyatni ko’rib chiqish uchun zarur bo’lgan boshqa hujjatlar ilova qilinishi mumkin.

Bo’ysunuv tartibida yuqori turuvchi organga ariza yoki shikoyat fuqaroga uning huquqlari, erkinliklari va qonuniy manfaatlarini buzuvchi harakatlar (harakatsizlik) sodir etilganligi yoki qarorlar qabul qilinganligi ma’lum bo’lib qolgan paytdan e’tiboran uzog’i bilan bir yil ichida berilishi mumkin. Uzrli sabablarga ko’ra o’tkazib yuborilgan muddat ariza yoki shikoyatni ko’rib chiquvchi davlat organi tomonidan tiklanadi.

Murojaat davlat organlari tomonidan ko’rib chiqilayotganda fuqaro murojaatning ko’rib chiqilishi jarayoni haqida axborot olish, vajlarini shaxsan bayon etish va izohlar berish, murojaatni tekshirish materiallari hamda ko’rib chiqish natijalari bilan tanishish, qo’shimcha materiallar taqdim etish yoki ularni boshqa organlardan so’rab olish to’g’risida iltimos qilish, advokat yoki o’z vakili xizmatlaridan foydalanish huquqiga ega.

Murojaatni ko’rib chiqayotgan davlat organlarining mansabdor shaxslari fuqarolarga ularning huquqlari, erkinliklari va qonuniy manfaatlariga daxldor hujjatlar, qarorlar va boshqa materiallar bilan tanishib chiqish imkoniyatini ta’minlashlari shart.

Yangiliklar

2017 yil dekabr оyi pеnsiya vа nаfаqа to’lоvlаri to’liq mоliyalаshtirildi

13.12.2017

 

      O’zbеkistоn Rеspublikаsi Prezidentining 2017 yil 2 fevraldagi №PQ-2753-son Qarori ijrosi yuzasidan, 3 mln. nаfаrga yaqin fuqarolarga pеnsiya vа nаfаqа to’lоvlаrini o’z vаqtidа еtkаzilishini tа’minlаsh mаqsаdidа O’zbеkistоn Rеspublikаsi Mоliya vаzirligi huzuridаgi byudjеtdаn tаshqаri Pеnsiya jаmg’аrmаsi ijrо etuvchi аppаrаti tоmоnidаn jоriy yilning dekabr оyi uchun tаlаb qilingаn mаblаg’lаr 2017 yil 7 dekabr sаnаsigа qаdаr to’liq mоliyalаshtirildi.

2017 yil noyabr оyi pеnsiya vа nаfаqа to’lоvlаri to’liq mоliyalаshtirildi

15.11.2017

 

     O’zbеkistоn Rеspublikаsi Prezidentining 2017 yil 2 fevraldagi №PQ-2753-son Qarori ijrosi yuzasidan, 3 mln. nаfаrdаn оrtiq fuqarolarga pеnsiya vа nаfаqа to’lоvlаrini o’z vаqtidа еtkаzilishini tа’minlаsh mаqsаdidа O’zbеkistоn Rеspublikаsi Mоliya vаzirligi huzuridаgi byudjеtdаn tаshqаri Pеnsiya jаmg’аrmаsi ijrо etuvchi аppаrаti tоmоnidаn jоriy yilning noyabr оyi uchun tаlаb qilingаn mаblаg’lаr 2017 yil 14 noyabr sаnаsigа qаdаr to’liq mоliyalаshtirildi.

O’zbekiston va Ozarbayjon Respublikasi mutaxassislari o’rtasida pensiya ta’minoti va ijtimoiy ximoya soxasida tajriba almashish bo’yicha tashkil etilgan tadbir

3.11.2017

          Birlashgan Millatlar Tashkiloti rivojlanish loyihasining «Davlat moliyasini isloh etish» borasidagi rejasiga binoan, 2017 yilning 5-12 oktabr kunlari O’zbekiston Respublikasi Moliya vazirligi huzuridagi byudjetdan tashqari Pensiya jamg’armasi mutaxassislari o’zaro tajriba almashish maqsadida Ozarbayjon Respublikasida xizmat safarida bo’lishdi. Ozarbayjonlik hamkasblar O’zbekiston delegatsiyasini do’stona va iliq kutib olishdi. 

Rossiya Federatsiyasi Ijtimoiy sug’urta jamg’armasi delegatsiyasi va O’zbekiston Respublikasi Moliya vazirligi huzuridagi byudjetdan tashqari pensiya jamg’armasi o’rtasidagi uchrashuv

3.11.2017

     2017 yilning 30 oktabr kuni Moliya vazirligi huzuridagi byudjetdan tashqari pensiya jamg’armasida Rossiya Federatsiyasi ijtimoiy sug’urta fondi delegatsiyasi hamda O’zbekiston Respublikasi Sog’liqni saqlash vazirligining Respublika tibbiy ijtimoiy ekspertiza inspeksiyasi o’rtasida uchrashuv bo’lib o’tdi.

Tez-tez beriladigan savollar

Bugungi kunda pensiya to’lovlarni amalga oshirish jarayonida qanday turdagi qo’shimcha qulayliklar va imtiyozlar yaratilmoqda?

1.12.2017

Pensiya va nafaqalar to’lovlarini avtomatlashtirilgan hisobini yuritish maqsadida to’lov vedomostlarini electron tarzda taqdim etish hamda to’laganlik haqidagi ma’lumotlarini yuborilishi bo’yicha Pensiya jamg’armasi va ATn “Xalq banki” o’rtasida electron axborot almashinuvi yo’lga qo’yilgan.

...

Ayni paytda pensiya va nafaqa to’lovlari qaysi organ tomonidan amalga oshirilmoqda?

1.12.2017

O’zbekiston Respublikasi Prezidenti Sh. Mirziyoyevning 2017 yil 2 fevraldagi PQ-2753-sonli “Ish haqi, pensiya, nafaqa va stipendiyalarni to’lash mexanizmini takomillashtirishga doir ko’shimcha choratadbirlar to’grisida”gi Qaroriga muvofiq ish haqi, pensiya, nafaqa va stipendiyalarni to’lash tizimini tubdan takomillashtirish pensionerlar, talabalar va aholining boshqa ijtimoiy ehtiyojmand qatlamlari huquq...

...

Belgilangan pensiya miqdorini pensioner o’rniga boshqa shahs olish huquqiga egami?

1.12.2017

O’zbekiston Respublikasi Vazirlar Mahkamasining 2011 yil 8 sentabrdagi 252-sonli qarori bilan tasdiqlangan “Davlat pensialarini tayinlash va to’lash tartibi to’grisida” gi Nizomning 160-bandiga muvofiq, pensiya to’lash qonun hujjatlarigamuvofiq, pensiya to’lash qonun hujjatlariga muvofiq rasmiylashtirilgan ishonchnoma bo’yicha amalga oshirilishi mumkin.

...

Vaqtinchalik ro’yxatga olinganda pensiya to’lovi qaysi manzilda amalga oshiriladi?

1.12.2017

O’zbekiston Respublikasi Vazirlar Mahkamasining 2011 yil 8 sentabrdagi qarori bilan tasdiqlangan “Davlat pensiyalarini tayinlash va to’lash tartibi tugrisida”gi Nizomning 157 va 167-bandlariga muvofiq, ishlamaydigan pensionerlarga pensiya yashash joyi (doimiy ro’yxatdan o’tgan manzil) bo’yicha...

...