A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

 O’zbekiston Respublikasi Moliya vazirligi huzuridagi byudjetdan tashqari Pensiya jamg’armasi

Kooperatsiya aloqalari mustahkamlanmoqda, mahalliylashtirish ko‘lami kengaymoqda

 

“O‘zekspomarkaz”da geologiya, yoqilg‘i-energetika, kimyo, neft-kimyo va metallurgiya sanoati hamda axborot tizimlari va telekommunikatsiyalar masalalari komplekslarining tarmoq sanoat yarmarkasi ochildi.

 

Har yili o‘tkazilayotgan tarmoq sanoat yarmarkalari korxonalarga ishlab chiqarish va qayta ishlangan xomashyo, material va butlovchi buyumlar, tayyor mahsulotlarni yetkazib berishda uzoq muddatli xo‘jalik aloqalarini kengaytirish hamda tarmoq va tarmoqlararo kooperatsiya asosida yangi turdagi mahsulotlarni o‘zlashtirishga ko‘maklashish maqsadida tashkil etilmoqda.

Ushbu tadbirlarga bo‘lgan qiziqish yil sayin ortib borayotgani e’tiborga loyiq. Masalan, o‘tgan yilgi forumda 250 dan ortiq korxona ishtirok etib, qariyb ikki ming turdagi yangi mahsulotlarni taqdim etgan edi. Ularning 90 turi Mahalliylashtirish dasturi bo‘yicha o‘zlashtirilgan yangi mahsulotlardir. Joriy yilda ikkita yirik kompleksni birlashtirgan ko‘rgazmalar maydonida 300 dan ortiq sanoat korxonasi 2,5 ming turdan ortiq mahsulotlarni namoyish qilmoqda. Ularning 100 turi yangi mahsulotlardir.

Ishtirokchilar orasida “O‘zbekneftgaz” milliy xolding kompaniyasi tarkibidagi korxonalar alohida ajralib turibdi. Ayni paytda sohada ishlab chiqarishni keng ko‘lamli modernizatsiya qilish, texnik va texnologik qayta jihozlash ishlari amalga oshirilib, tayyor mahsulotlarni mahalliylashtirish darajasini oshirish bo‘yicha loyihalar hayotga tatbiq etilayotir.

Tarmoq sanoat yarmarkasida “O‘zbekneftgazqazibchiqarish”, “O‘zgeoburg‘uneftgaz”, “O‘ztransgaz”, “O‘zneftmahsulot”, “O‘zneftgazmash”, “O‘zneftgazqurilishinvest” aksiyadorlik kompaniyalari va boshqa korxonalar faol ishtirok etmoqda. Ular tomonidan geologiya-qidiruv ishlari, uglevodorod xomashyosini qazib olish, qayta ishlash va transportirovka qilish, neft-gaz obyektlarini qurish, mashinasozlik mahsulotlarini ishlab chiqarishdan tortib ilmiy-tadqiqot va loyiha-qidiruv ishlari va tayyor mahsulotlarni ichki hamda tashqi bozorda sotishgacha bo‘lgan barcha turdagi neft-gaz amaliyotlari bajarilmoqda.

“O‘zbekneftgaz” milliy xolding kompaniyasi ma’lumotlariga ko‘ra, 2014-yilda yangi turdagi buyumlarni ishlab chiqarish texnologiyalarini o‘zlashtirish hisobiga 12 loyiha bo‘yicha mahalliylashtirilgan mahsulotlar ishlab chiqarishning umumiy hajmi 28,3 milliard so‘mdan ortdi. Mahalliylashtirish samarasi esa 13,2 million dollardan ziyodni tashkil etdi. Joriy yilda Mahalliylashtirish dasturi doirasida sohadagi 30 loyiha bo‘yicha mahsulotlar ishlab chiqarish hajmi 87,7 milliard so‘mdan oshadi. Ayni paytda iqtisodiy samara 36,3 million dollardan ko‘proqni tashkil etadi.

“O‘zbekenergo” davlat aksiyadorlik kompaniyasi korxonalari mamlakatimiz energetika kompleksini rivojlantirishning asosiy yo‘nalishlarini namoyish etmoqda. Ayni paytda sohada energiya ishlab chiqarish samaradorligini yanada oshirish, mahsulotlar energiya sarfini kamaytirish bo‘yicha loyihalar amaliyotga jadal tatbiq qilinmoqda.

“O‘zbekko‘mir” aksiyadorlik jamiyati tarmoq va uning bo‘linmalarini boshqarish tuzilmasi, ko‘mir qazib olish va texnologik transportni takomillashtirish, yoqilg‘i-energetika resurslaridan oqilona foydalanish borasida qator chora-tadbirlarni ishlab chiqish va amalga oshirish bilan birga import o‘rnini bosadigan mahsulotlar ishlab chiqarishga ham alohida e’tibor qaratmoqda.

Joriy yilning o‘tgan 5 oyida qiymati 1,4 milliard so‘mdan ortiq bo‘lgan mahalliylashtirilgan mahsulot tayyorlandi va sotildi. Yil oxirigacha mamlakatimizning kon-shaxta va kon-transport asbob-uskunalariga ehtiyot qismlar va buyumlar ishlab chiqaradigan zavodlar bilan kooperatsiyani amalga oshirish va yangi turdagi mahsulotlarni o‘zlashtirish bo‘yicha ishlar davom ettiriladi.

Tarmoq sanoat yarmarkasida “O‘zkimyosanoat” davlat aksiyadorlik kompaniyasi tarkibidagi 11 korxona ishtirok etmoqda. “Navoiyazot” ochiq aksiyadorlik jamiyati, “Maksam-Chirchiq”, “Ammofos Maksam”, Dehqonobod kaliy o‘g‘itlari zavodi va boshqa korxonalar tomonidan 150 turdan ortiq mahsulot, jumladan, Mahalliylashtirish dasturi doirasida o‘zlashtirilgan 50 turdagi mahsulot namoyish qilinmoqda.

– Yarmarkada 60 turdagi kimyo mahsulotlari, asosan o‘g‘itlarni taqdim etmoqdamiz, – deydi “Navoiyazot” ochiq aksiyadorlik jamiyati marketing byurosi boshlig‘i G.Murtazoyeva. – Bundan tashqari, yaqinda o‘zlashtirilgan yangi turdagi mahsulotlar, jumladan, xlorli temir, vinilatsetat, bertole tuzi va boshqalarni taklif qilyapmiz. O‘tgan yili forum doirasida umumiy qiymati 20 milliard so‘mlik shartnomalar imzolagan edik. Joriy yilda bu ko‘rsatkichni 10 foizga oshirishni mo‘ljallayapmiz.

“O‘zmetkombinat” ochiq aksiyadorlik jamiyati hamkor tarmoqlar korxonalariga kombinat ehtiyojlari uchun zarur bo‘lgan 15 turdagi mahsulotni o‘zlashtirishni taklif qilmoqda. Shuningdek, kombinat tomonidan joriy yilda o‘zlashtirilgan mahsulotlar – bazalt plitalar, payvandlash elektrodlari, sirlangan idish-tovoqlar va boshqa ko‘plab tovarlar taqdim etilmoqda.

“O‘zmetkombinat” ochiq aksiyadorlik jamiyatining investitsiyalar bo‘limi boshlig‘i N.Umerovning so‘zlariga ko‘ra, o‘tgan yili sanoat forumi doirasida umumiy qiymati 178,6 milliard so‘mlik asbob-uskuna xarid qilish yuzasidan 276 shartnoma imzolangan.

Tadbir doirasida namoyish etilayotgan mahsulotlarni xarid qilish, talab yuqori bo‘lgan import o‘rnini bosadigan va eksportga mo‘ljallangan mahsulotlarni o‘zlashtirish borasida sanoat kooperatsiyasida ishtirok etish, mamlakatimizda ishlab chiqarishni tashkil etishga qiziqayotgan xorijiy sheriklar jalb etish bo‘yicha keng ko‘lamli ishlar amalga oshirilmoqda.

Jumladan, 2013-yilda “Angren” maxsus industrial zonasida tashkil etilgan “Uz-Prista-Recycling” O‘zbekiston – Bolgariya qo‘shma korxonasi o‘z mahsulotlari bilan ishtirok etmoqda. Qo‘shma korxona 30 nomgacha bo‘lgan sintetik motor moylarini ishlab chiqaradi. Korxona mahsulotlari ichki va tashqi bozorga yetkazib berilayotir. Kompaniya vakillarining ta’kidlashicha, joriy yil oxirigacha foydalanilgan texnik moyni to‘plash va qayta ishlash texnologik sikli asosida tayanch va motor moylarini ishlab chiqarish o‘zlashtiriladi. Buning samarasida 50 yangi ish o‘rni tashkil qilinadi.

Tarmoq sanoat yarmarkasida Axborot tizimlari va telekommunikatsiyalar masalalari kompleksining 30 ga yaqin korxonasi qatnashmoqda. Ular raqamli televideniye priyomniklari, turli xil modemlar, IPTV-pristavkalar va multipleksorlar, statsionar va mobil telefonlar hamda boshqa turdagi yuqori texnologiyali mahsulotlarni namoyish etmoqda.

Ilmtalab, konstruktorlik va elektron-texnika buyumlarini ishlab chiqish, loyihalashtirish va ishlab chiqarishga ixtisoslashtirilgan “Telmax Elektroniks” korxonasi stendi alohida ajralib turibdi. Korxona mahsulotlari aloqa va telekommunikatsiyalar tizimi, shuningdek, xalq xo‘jaligi tarmoqlari, jumladan, axborotlashtirish tizimlari uchun sanoat-texnik maqsadga qaratilgan buyumlar ishlab chiqarishda foydalanishga mo‘ljallangan.

“Telmax Elektroniks” korxonasi bosh muhandisi A.Mavlonovning so‘zlariga ko‘ra, o‘tgan yili tarmoq sanoat yarmarkasi doirasida yuqori texnologiyali mahsulotlar yetkazib berish bo‘yicha 4 shartnoma imzolangan. Joriy yilda telekommunikatsion va antivandal shkaflar, IP-telefoniya uchun asbob-uskunalar o‘rnatish yuzasidan sakkizta shartnoma imzolanishi kutilmoqda.

Idoralar va xo‘jalik birlashmalari texnik va texnologik imkoniyatlarini to‘la namoyon etish uchun o‘z korxonalarini taqdimotini o‘tkazmoqda.

Yarmarkaning ochilishida O‘zbekiston Respublikasi Bosh vazirining o‘rinbosari G‘.Ibragimov so‘zga chiqdi.


Manba: O'zA

 

 

 

Yangiliklar

Проект "Концепция реформирования системы государственного пенсионного обеспечения"

27.4.2018

Министерство финансов Республики Узбекистан просит Вас выразить свое мнение в отношении разработанного проекта Концепции по реформированию системы государственного пенсионного обеспечения граждан.

2018 yil aprel оyi pеnsiya vа nаfаqа to’lоvlаri to’liq mоliyalаshtirildi

15.4.2018

O’zbеkistоn Rеspublikаsi Prezidentining 2017 yil 2 fevraldagi №PQ-2753-son Qarori ijrosi yuzasidan, 3,1 mln. nаfаrdan ortiq ishlamaydigan fuqarolarga pеnsiya vа nаfаqа to’lоvlаrini o’z vаqtidа еtkаzilishini tа’minlаsh mаqsаdidа O’zbеkistоn Rеspublikаsi Mоliya vаzirligi huzuridаgi byudjеtdаn tаshqаri Pеnsiya jаmg’аrmаsi ijrо etuvchi аppаrаti tоmоnidаn jоriy yilning aprel оyi uchun tаlаb qilingаn mаblаg’lаr 2018 yil 12 aprel sаnаsigа qаdаr to’liq mоliyalаshtirildi.

Koreya Respublikasining Xodimlarni boshqarish vaziri Kim Pan Sok bilan tashkil etilgan uchrashuv haqida

31.3.2018

2018 yil 27 mart kuni byudjetdan tashqari Pensiya jamgarmasi ijro etuvchi direktori Koreya Respublikasining Xodimlarni boshqarish vaziri Kim Pan Sok rahbarligidagi koreya delegatsiyasi bilan uchrashuvda ishtiroq etdi.

MDH, Gruziya va Baltika davlatlari pensiya va ijtimoiy jamg’armalar halqaro assotsiatsiyasi ishtiroqi haqida

31.3.2018

2018 yil 29 mart kuni byudjetdan tashqari Pensiya jamg’armasi MDH, Gruziya va Baltika davlatlari pensiya va ijtimoiy jamg’armalar halqaro assotsiatsiyasi yig’ilishida ishtiroq etdi.

Tez-tez beriladigan savollar

Bugungi kunda pensiya to’lovlarni amalga oshirish jarayonida qanday turdagi qo’shimcha qulayliklar va imtiyozlar yaratilmoqda?

1.12.2017

Pensiya va nafaqalar to’lovlarini avtomatlashtirilgan hisobini yuritish maqsadida to’lov vedomostlarini electron tarzda taqdim etish hamda to’laganlik haqidagi ma’lumotlarini yuborilishi bo’yicha Pensiya jamg’armasi va ATn “Xalq banki” o’rtasida electron axborot almashinuvi yo’lga qo’yilgan.

...

Ayni paytda pensiya va nafaqa to’lovlari qaysi organ tomonidan amalga oshirilmoqda?

1.12.2017

O’zbekiston Respublikasi Prezidenti Sh. Mirziyoyevning 2017 yil 2 fevraldagi PQ-2753-sonli “Ish haqi, pensiya, nafaqa va stipendiyalarni to’lash mexanizmini takomillashtirishga doir ko’shimcha choratadbirlar to’grisida”gi Qaroriga muvofiq ish haqi, pensiya, nafaqa va stipendiyalarni to’lash tizimini tubdan takomillashtirish pensionerlar, talabalar va aholining boshqa ijtimoiy ehtiyojmand qatlamlari huquq...

...

Belgilangan pensiya miqdorini pensioner o’rniga boshqa shahs olish huquqiga egami?

1.12.2017

O’zbekiston Respublikasi Vazirlar Mahkamasining 2011 yil 8 sentabrdagi 252-sonli qarori bilan tasdiqlangan “Davlat pensialarini tayinlash va to’lash tartibi to’grisida” gi Nizomning 160-bandiga muvofiq, pensiya to’lash qonun hujjatlarigamuvofiq, pensiya to’lash qonun hujjatlariga muvofiq rasmiylashtirilgan ishonchnoma bo’yicha amalga oshirilishi mumkin.

...

Vaqtinchalik ro’yxatga olinganda pensiya to’lovi qaysi manzilda amalga oshiriladi?

1.12.2017

O’zbekiston Respublikasi Vazirlar Mahkamasining 2011 yil 8 sentabrdagi qarori bilan tasdiqlangan “Davlat pensiyalarini tayinlash va to’lash tartibi tugrisida”gi Nizomning 157 va 167-bandlariga muvofiq, ishlamaydigan pensionerlarga pensiya yashash joyi (doimiy ro’yxatdan o’tgan manzil) bo’yicha...

...